absolut gheim hets müese bliibe und isches denn au gsi:D, e beachtlichi mengi lüüt hend sich pünktlich am 8i im tabaco am samstig igfunde und uf die nichtsahnendi ann gwartet.
mehrfach isch üsi ann verpackt worde, 2-3 fache augeschutz, haha
grosse überraschung!!!ann isch mit verbundene auge inegfüehrt worde und het nid schlecht gstuunet. es isch mit bowle agstosse worde und me het sich für mitternacht igstimmt mit nüssli, brötli, wasser(........)haha
teil vom OK und agehendes geburi chind, aber erst het mes mol bis am 12i müesse schaffe.
mirj isch usem welsche wieder do und gnüsst die wuche ferie:D volle isatz bim feste!
vollzählig sind öbbe all ume gsi, rony,elisa,nicole.........etc.sind vermuetlich gege 30 lüüt gsi!
denn endlich isches so wiit gsi, die rund zahl isch erreicht gsi, ann isch 20i!!
mildes grinse für en churze blitz und denn schnell wiiterfeste,astosse,gratuliere und wieder astosse,marathon mit einere disziplin,wo sich unendlich wiederholt,haha:D chönd jo mol roote weli....
und amene sone fest hend mir sicher au nid wele fähle:D nochere astrengende sturmfreiwuche(itrag folgt no) hends au mir vo de friteuse und de modellflüger ewäg is tabaco gschafft.
iris au sit langem wieder mol im usgang,dass ihre am schluss komplett jagge,schaal und pulli klauet isch wohls hinderst gsi!wenn wer chan helfe,bitte melde:)
master chief pille, mit absolutem geschwärme vo de forelle im salzmantel und de tatsach, dass me jo alles im salzmantel chan mache het er sich zu wort gmolde. weniger begeisteret vo de forelle, aber üsserst usgangsfreudig; üsi rebi! do het au iswürfelschlacht nid dörfe ussebliibe!
jo am 4i isches denn langsam fertig gsi mit feste,leergefuttert und leertrunke isch me denn heiterfreudig richtig taxi und en 2 taxikonvoi isch denn richtig löhnige. ich denk do au,ich han en marktlücke entdeckt;taxigspröch als comedy show!:)...
ich verbliibe mol so nocheme normale arbetsmäntig und wünsch e gueti wuche
ciao zäme
Keine Kommentare:
Kommentar veröffentlichen