top-pischta-gaudi

Für alli nachtschwärmer wo gar nüme wüssed das s wucheänd nöd nur us usgang und schlaffe bestaht, gäl Stefano!! :). Es git nämlich au no anders cool's züg wo me cha mache. zB go boarde

Das hemmer dänn au gmacht geschter. Dä merk de simi und ich sind mit e paar schuelkolleginne vom simi as "top-pischta-gaudi", das isch sonen "event" vo radio/tele top, uf savognin.
ja aso es gaudi het scho am morge am halbi 6i agfange, wo mir de simi alütet und fragt öb ich scho wach seg. Ich denn nu so: ja sicher mir hend ja i 5 min abgmacht. denn seit de Simi ja ebä er seg etzt grad bim merk, aber de heg vverpennt. das gieng ja no, aber sproblem isch gsi, er het sis natel abgstellt gha. denn hät hald de simi müese bim Hus lüte, nacher isch am merk sini muetter im morge mantel usecho was er eigentlich da weli um die zit, ja de merk abhole zum go boarde, a was de gat hüt go boarde guet das ich das au mal no erfahre!:( da hät glsub öpper kei freund gha. jänu mer sind denn glich no rechtzitig z winti gsi wo de bus gfahre isch. im bus isch denn zimli ruig gsi, de simi mit sinere halbe stund schlaf woner gha het und de merk wo immer no volle gsi isch vom fr abig händ dä ganz wäg pennt. womer z savognin acho sind, hemmer gmeint mir seged im falsche Film. schön grüeni berglalndschaft und irgendwo zmizt drin en sessellift und en wisse streife, wo glaub mal het sölle e pischte darstelle. wo denn no dä typ vo de bergbahne cho isch und gseit het: ja aso wener zerscht mit'r 4er denn mit dr 3er und denn no mit dr 6er sesselbahn ufa fahrand denn könder det einigermassa fahra.

Es isch denn aber gar nöd so schlimm gsi wemer üs das vorgstellt händ. geg dä namitag isch denn de schnee immer besser wore und am schluss hemmer schöne sulzschnee gha wie normalerwis im april. tja! am halbi 4i hemer usi snowboards und suschtige grümpel in gar grüert und sind in après ski. isch no geil gsi s znachtässe isch inbegriffe gsi und met het sovil chöne ässe wie me hät wellä. nacher isch no party agseit gsi bis mer hend müese uf de bus. ja das mit dem bus isch aber no so chli e sach gsi, me het nämlich no müese 5 min de berg ab laufe bis zum bus. das isch au nöd s problem gsi, sondern s problem isch gsi, das de weg im dunkle und isig gsi isch. ja und denn isch hald no dezue cho,das die einte vorher no eis, zwei ............., ............., .........., oder es ........... trunke hend. ich glaub die schwärschtä stürz vom ganz tag häts uf dem chline walk gä.

dänn ischs au scho wider heizu gange. de simi merk und ich hend dänn no diräkt wele uf sh witer, das hemmer dänn aber blibe la. isch glsub au besser so gsi.

uf jede fall s isch en geile tag gsi, chöntme widermal mache.

aja und öpis han no vergässe, de merk hät no e mission impossible gha a dem tag. aber da frageder ihn aber beschte sälber wänns eu interessiert.:)

krassi feeteli hani hald kei, aber vilicht chömed mal no paar.