jo salüüü zum letsche itrag vo de 3er serie vom letschte halbe johr,haha
sit 3 johr redemer scho devo,aber irgendwie hets nie wele klappe und denn isches scho verpasst gsi...doch das mol simmer gange,mit 200km/h noch friedrichshafe,also bis stockach und denn mit 20km/h as mässegländ......vollstau,will die dütsch,schwiizer und östrichisch polizei jedes chli ufgmotzte auto gfilzt het und en kil0meterkange stau anebrocht het.....üs aber nid,sebi sin sportclio isch aus so versauet gsi,dassmer nüt me gseh het,haha
noch 2h hemmer denn die 80km anebrocht und ich han de weg zum parkplatz nomol gmacht, um kamera zhole....aber denn isches denn losgange!!!viel unerkenntlich gmachti auto,vor luuter tune, tüüri sound alage, riese krach und min. 300ps hends müese si,hehe.zum teil extrem viel geld i autos gsteckt,wo ohni dem ev. no 2000.- wert wäred gsi;)ide mitti vom alass hets denn no viel imbissbudene gha,wos üs vor luuter fettgstank schlecht isch worde und mir irgendwo es brötli hend kauft.es het sogat tuner gha,wo farblich au swiebliche gschlecht aspreche würed,haha,rosa plüsch und so züügs.aber ziehnd eu doch dbildstrecki ine:)viel spass!
das wärs gsi und de nöchsti itrag wird da mol schneller folge,han jo etzt ferie bis zum militär und nochher isch halt denn mol funkstilli....aber redemer molnonig devo!!
wie einigi vo eu wüssed mach ich jo e lehr als polymech....es isch en technische bruef,aber de gröst teil weiss jo nid genau,was me do so de ganz tag macht....muen me jo au nid, wills au en sehr vielfältige bruef isch, aber ich han das johr abgschlosse und doch no e ziemlich interessanti abschluss arbet gha vo de ETH: formula student.....
formula student isch isch en internationale wettberwerb für unis und hochschuele. es gaht debi drum en formel (eisitzige) rennwage zbaue und gege teams us de ganze welt azträtte. es gwünnt aber nid de schnellsti sondern de, wo i design,kosteplan,verchaufsargument und fahrverhalte am meiste überzügt. ETH zürich isch scho zum 2. debi (bild 07) und sr technics(mini firma) sponseret chräftig ide fertigung vo de teili.
de albula rennwage vom letschte joht uf de piste.....
mini abschlussarbet sind 2 vo dene teili gsi..das heisst es sind studente cho miteme cad-bild, paar unvollständige zeichnige und zum teil sonderbare vorstellige,hehe,wills halt ide fertigung kei erfahrige hend.
seinte teil isch en trockesumpf gsi(gelbi platte unte) und radnabe(dört wirds rad am auto agmacht,für banause,hehe). zeichnige fürd herstellig sind halt wie gseit sehr ungnau gsi und ich han gsamthaft 65minute müese defür telefoniere bevori han chöne afange...
das isch mini maschine,computer gstüüret, wo ich de gröst teil vo de teili gmacht han.sie isch dluxusmaschine vo de abteilig!!oho!
ich han mit einige zwüschefäll darbet ufgno und teili hergstellt.
durs viele telefoniere hani viel ziiit verlore und bsüech vo de studente und änderige hend halt alles ziemlich verzögeret, so isch au min ziitplan ziemlich durenand cho(blau:soll zeit, gelb:ist zeit, rot:verzögerige), aber am schluss isch alles fertig gsi und het passt:)
nebe de teili hani alles no dokumentiert inere 60siite doku und am schluss voreme expert präsentiert und ihm froge beantwortet(fachgspröch)
das sind dschmuckstück, trockesumpfplatte und 3 radnabe. all teili sind uns flugzüügaluminium.
und das isch dradnabe mit de schiibebrems, wo denn anechunt.
studente hend denn alles noch eloxiere lah,also de teili e farb geh unds denn zämebauet. so isch denn en monet noch minere ipa sauto ferig gsi:
das isch das ding bim rollout ide eth.....
design isch ade hochschuel für kunst in züri entstande....
elektronik ade elektrotechnische hochschuel in luzern und natürlich viel ade eth züri. so het das ding 4 bordcomputer,diverses schnick schnack,wie gangazeig am lenkrad, alles karbon,wied formel 1 mit monocock und abs,hehe.
steam isch ziemlich gross,do au de ufwand riesig isch, bis so was denn staht.
noch de ipa isches denn ad tuningmäss(im nöchste itrag) und natürlich as bar&bub go party mache mitem ganze trupp+merk und sebi. gschloofe hemmer bim zünder i grosszügige bett(nid wie bi mir amigs,haha) und eme riese zmorge vo de eltere am nöchste tag,nomol merci!!sebi het gmeint mir chömet wieder,es sig guet gsi,haha
viel spass no bi de tuningmäss und ich seg vorerst mol ciao!!
ihr werdet au sicher froge,ob ich de blog vergesse han:)aber nei!!!lap,bms etc. hend sich i letschter ziit ghüüft und so hani mis geliebte tagebuech halt müese vernochlässige......doch etzt chunt die ganz schwetti und so präsentiere ich eu die letschte ereignis i 3 iträg!!viel spass demit.
mir hend no märz 08,wo de kampf ide bruefsschuel mitem roboter zend isch gange,hehe. es isch drum gange miteme roboter us styropor en stern uszschniede, beschrifte und am schluss no es cherzli instelle. das ganze muen am stück passiere und vollautomatisch natürlich, liechter gseit als gmacht........
üsen trupp, ich,rocher,päde und de michl mitem star ide mitti,de roboter.mir hend ide bruefsschuel fast es halbs johr ziit gha um üsi idee i was schlaus zverwandle....und so isch die ganz sach au losgange!
zerst het de michl und choco(alias rocher) mol sprogramm, um de roboter zprogrammiere in griff müese becho...es isch einiges schief gange am afang, drum hets stets öbber brucht, wo der rooti chnopf(not stopp) immer druckbereit het gha,hehe. es het übrigends kei crashs geh!!!es wunder.
um de stern bechrifte hets natürlich en stift brucht und en halter, denn de roboter het jo müese de stift hole und versorge.
um de stern denn uszschiede hemmer en heisse draht brucht(wie ide primar,zum dekoratione zmache:) und au de het sin halter gha. die beide han ich ide bude hergstellt. en wiitere teil isch de griefer von roboter gsi.
le voila!de het de rocher bi sich ide bude feritge la. schwierig dra isch, dass me demit en stift,de stern und es cherzli muen chöne griefe,aber passt!
ende der theorie.päde het rohmaterial bohret und ich hans brav usgschnitte.
so!das wär üses rohmaterial,das wird etzt vom roboter bearbeitet.
der roboter vo mitsubishi mit griefer,unterlag,halter und em stern. alles isch fertig und de erste druchgang het klappet. aber lueget doch lieber selber de ultimativi video,hehe:
bi interesse anere grossserie für z.b. manor oder interio nur amelde,haha.schöns täglich und viel spass bide andere 2 iträg.
endlich wieder mol mini cam glade und im usgang chli go lüüt nerve,hehe,nei het sich bis etzt niemmert beschwert!!!am friitig isch no konzert ade kanti gsi, jazz und swing zämestellige.meret(sebi-schwöster) het gspielt und no viel anderi(lisa,remo,selina etc.),mir hets zummindest no gfalle, so chiller sound:D. zumindest isches denn am abig los gange im chäller!royal rogues,plain zest und siros. die erste zwei bänds sind scho mol uf mim blog gsi,nämlich do mol in ramse. vom ende der welt is zentrum vo downtown schaffuse!!!agfange hend royal rogues:
de elle als gitarrist het kei show ilag usse lah:)!!
clöde mit sim chrom-flamme-e-bass....und hinte versteckt de gabriel, wo sis geliebte schlagzüüg denn au am rest zur verfüegig het gstellt....
und die ganz ufstellig als royal rogues!!
zum goldige schluss denn plain zest mitem remo,gregi,ale,thomas
und do natürlich de musikalisch zämeschnitt vom abig:
nach langstreckeflüg und ünernachtige im container isch üsi stewardess wieder mol im usgang, paloma und iris...ein smile grösser als de ander!
de gröst fan natürlich, isa ade front am mitfääääne!rechts schier zum vertuusche zippora.gwüssi fotos zeiget scho erstuunlichi ähnlichkeite!!hehe
und de fotograph darf,bzw. muen au no druf!!!
gabriel und vincent hend nochher sofort mol das gmacht,wos immer machet; töggeli-gegener k.o. spiele:)
Zieleumbruch!!!!es isch mittlerwiile samstig und ich han de rocher überzüügt noch sh zcho und das mol richtig!!!!zerst zu üs und erst mol flugsimulator und dj spiele!!!d.h. mini chlini schwöö het geburifest gha und en riese lärm gmacht.mir hend mit minere neue dj alag alles mitem bass sauber übertönt, während de rocher gege 30000.- flugmodell in bode het gsteckt!!!also natürlich virtuell ufem pc:)
Tatortwechsel!!!!im bus richtig sh sind:
mir, ich und ale mit...................
em opfer chocolatier rocher,oder besser bekannt als choco oder ev. vom letschte mol no als rocher, go de chäller rocke,haha.snäggler het ufgleit im 60`s club und sin kollega de danny ramone
selina natürlich au vor ort.(bi beschwerde über bilder;es isch nur guet gmeint gsi mit rot auge wegmache,hehe)
und chiefs vom abig...rocher wird doch no krass,wie schlechte ifluss me nur chan ha.....
obwohl winterthurer ischer doch wohl scho bald in sh integriert...
de chäller isch eigentlich garnid schlecht volle gsi,obwohl... die vo de garderobe hend gmeint es siget grad mol 50 jagge gsi.......rocher hemmer denn noch de 5i am bahnhof in sh lah und sind heizue.er het denn gsellschaft gfunde ufe weg bis winti,was im de weg wohl erliechteret het.
isch scho wieder mitte wuche und me gseht sich sicher bald,also dann leuts: alles gueti und bis bald!
Au ich hans wieder mol zu mim blog gschafft!!!saletti all zäme!!! Bruefsschuel het au das johr wieder de skitag duregfüehrt, sogar mol mitem KV und die sind sogar cho go snöbe und nid nur apres ski,hehe,nei kei vorurteil ufem blog!die ganz sach lieht au wieder en halbe monet und meh zrugg aber top aktuell ufgfüehrt jetzt für eu:) am morge früeh use, auto zu michi und denn en lockere fuessmarsch zum güeterbahnhof in bülach. alles riebigslos abglaufe,kei stau, kei astah, nix!acho und scho uf de piste gstande!
bim herrlichste wetter denn ufem gipfel und es folget unzähligi wiiiteri mol.....
gantner im renn-look, wies muen si, wenn me mit tempo dpiste ruumet!!:D
grinschöpf röhri und choco alias rocher!!
zünd het eine uf weich gmacht!!nene, de aschient trüegt, mit ghebet wie rakete!
ich im ständige fotoduell mitem rocher, doch da mol hani gwunne! like lucky luke!!
irgendwenn isches denn dunkel worde und me het wieder richtig car müese, wo de rest gwartet het um vom pista troum wieder in alltag zrugg zkehre......so endet die ganz sach au wieder.
wichtigi new allersiits, ich han blogger gsellschaft becho,wo mich sehr freut!!!rebi und meli hend ufe sprochufenthalt ihren blog igrichtet und etzt frei gschaltet!!!!
Knapp am alltag wieder fass ich min report vo 2 intensive wuche freie zäme. wiehnacht, silvester und no paar anderi ereignis füehret immer zunere menge stoff! aber ich gliedere mich und fange wie immer ganz am afang a: wiehnacht isch kein grosse kommentar wert, dos jo bi allne halt ähnlich isch. 26. isches denn losgange mitem flügerle. sebi kam, flog und stürzte fast ab.
liechte siitewind het dezue gfüehrt, dass de flüger oder in struuch oder id 30er tafle oder is auto het wele stürze, aber kein schade.
do bruchts e chlini erklärig; das isch dlandig vom flüger nochdems gschneit het.die beide streife sind dräder, wo am bode usenand boge sind und das ide mitti isch de propeller,wo in bode ghacket het. leider het jedi landig so usgseh und eigentlich sött me ussert de streife nüt gseh,hehe
de ale het die ganz sach relativ schnell beendet, zwenig ussschlag und denn fadegrad in bode:D
alles demoliert simmer denn am fr in chäller in usgang. dr. snäggler het ufgleit und es isch voll abgange! 60er party! ich de sebi und de ale sind denn ufe bus und churzi ziit später isch denn au dmari und co uftaucht!
mica, isa und mari hend mit üs de hermann unterstützt
naja.........wie ich im volle saft am abgah, ale natürlich immer mit gehobenem finger!
mitbewohnerin vo de mica, dfabienne und natürlich der gehobene finger:D
vale und antonnio hend au nid dörfe fehle, grad chöne zeige was im singstar glernt hend!
wie in alten zeite,gell mica:D genau voreme johr hend mini fotoreihe au soo usgseh,haha
au mit de unterstützig vom sämi, em mitschüeler vo de mari hets trio grockt!
en sprung wiiter an mäntig, bekanntlich silvester!!!schaffuse platz isch natürlich pflicht gsi!i voller belegig; ale,sebi,merk,zindel und co hemmer sh gstürmt, tickets ide kamm gholt und üs ufem platz igrichtet. mit debi üsi ikea gläser, das johr astosse ohni plastik gläser het scho müese si!!!letschte silvester ide lehr!!!!also für mich und de merk.
platz isch wie immer voll gsi und eis chaos mit füürwerk und champus. ich han mini champusladig gfasst,sogar au 2 mol:D und nochher wie jedes johr mol allne go guets neuis wünsche!
do wär wieder mol en schnitt und en sprung ufe 2. januar!skiifahre isch agseit gsi. so am abig vorher hemmer üs entschiede mol id lenzerheid zfahre. vito gfasst, ski rein und denn ab richtig sebi uf die 7i! mol rote wer no am schloofe isch gsi???de merk!!!immerhin hemmeren chöne wecke und 10min spöter ischer dusse gstande.........leider hemmer in valbelle nomol 1,5h astah müese, wills nur ei kasse offe hend gha, aber irgendwenn simmer denn endlich dobe gsi!
herrlichs skiiwetter, aber au zimlich windig.
sust völlig wolkelos und de schnee isch no ziemlilch guet gsi!!
chief sebi in kampfmontur um de hang zstürme:D
noch viele stunts simmer denn go chips chaufe und im vollstau wieder hei. sebi het sin ghetto mitgno und de vito het nur no so vibriert vom bass!!!hinde sind 2 voll abgange im stau mit belüchtig!!!
sogar kollege uf de stross gfunde, wo mit abgange sind:D
und churzi ziit spöter denn halt sooo...........naja
am tag druf isch jo denn de 3. januar gsi und de merk het geburi gha!!!das heisst feiern am abig im orient. aber nid eifach soo........
krass in schaale gworfe und de merk mit genialer chopfbedeckig,haha
so sind chiefs in usgang und de merk isch am laufmeter agfiggt worde.....normal,hehe
blöderwiis isch denn de sebi hei mitem zindel und de merk isch ohni jagge do gstande und mir sind denn mol heigloffe, er und de ale im jacket und t-shirt,haha, isch nid mol wer chrank worde. manu het bi üs nos trotti gfasst und ich wiiter,während mir am 6i denn sind go schloofe.
do die ganz sach bi üs natürlich au gfilmet isch worde han ich mol en videozämafassig gmacht, viel spass und achtet mol druf weli szene fake sind:
etzt isch au scho wieder ende vo de ferie,drum wünsch ich allne en guete start is 2008!!!ciao und bis bald
