de blog isch nid grad aktuell,dofür möcht ich mich entschuldige,aber irgendwie hets au chli a themene gmangelt i letschter ziit, drum nimm ich mol us der luft was zäme. so e art rückblick uf verschiedenes:)
ich gang mol paar wuche zrugg: mela (mitschüelerin) het im dütsche ade bar gschaffet ka vo night of music, en musigalass. ich, ale und zünd sind dört ane und hend chräftig gfiiret, denn wiiter uf sh und dört denn um die 4i ufghört. zünd het sis spielzüügflügi mitgno und so hemmer am sunntig da ding usem vollcrash zum lebe erweckt. erfolg isch nid grad überwältigend gsi, zünd hets e paar mol in bode gsteckt,bises halt wieder im ursprung isch gsi. aber es het modellbaumotivation wieder gweckt!
zünd ide werkstatt ade reperatur!
wuche spöter hemmer denn mitem sebi mol wieder flugtag gha. sebi het sin shock flyer debi gha und sind kyosho benzin trainer und ich....
han noch schier 2 johr stillstand endlich min elektro in betrieb gno, wär jo scho lang alles parat gsi:)
wärend de sebi alles schön glandet het, han ich üsen benziner,auch genannt "die bombe*", in bode gstecket. es isch scho viel zdunkel gsi und ich hanen eifach nüm gseh und chöne trimme....
*de vater heten bim 2 flug (ca. 1997)dermasse fest in bode gsetzt, dass nur no einzelni cm2 übrig sind bliibe. het alles wieder zämeglimet und nomol so viel holz drufklebt.am schluss no mit bauschuum gfüllt!das ding isch e paar kilo schwer und schier unzerstörbar (bombe). bi mim sturz hetsch jedes andere modell chöne im apfall werfe. bi mir aber nur 10min reperatur:)
en tüüfdecker isch eidütig nid so das wahre,drum han ich min elektro denn bim 2. flugtag hinterem huus au gschlisse,isch aber scho wieder ganz.gratulation an sebi,er het immer alles ganz heigno,haha.ah jo de ale het sin styrogebastel wege funkstörige au 2 mol im feld verteilt,bis er he gmerkt,dass e neui stüürig anemues:D
schlussprotokoll: 4 abstürz i 2 wuche!!!2 mol totalschade=apfallsack und 2 reperature
lömmer mol de buebespass und gönd nomol wuchene zrugg:
Ineltec in Basel, die gross robotermess. sry marina, aber de schwümmroboter hets echt nid gha, müsstisch de sport uf chletere oder dj oder kamelriite ändere,haha.
roboter chönd viel mache,eigentlich schier alles und das hends a dere mess zeiget.
en roboterarm, wo useme holzstück en ferrari fräset.
bis is chlinste detail gnau(mir fallt grad uf,dass da gar kein ferrari isch,sondern en lotus elise) de gantner het zumindest glänzigi äugli becho und nid chöne fasse,dass er en nid het chöne ha.(en riese ferrari-fan)
das isch au es komisches gebilde, ide arabische emirate hets tradition,dass chinder es kamelrenne riitet. es sind jedoch massehaft chinder umcho debi,drum isches verbote worde. lösig: en chinderroboter, wo riitet:)
die gross attraktion, 2 dj roboter,wo zerst schaffet und denn zu dire strates abgönd,haha
de roboter het es foto vome gsicht vome bsuecher gmacht und das zeichnet ufere tafle.
und de liebling, bierfüllroboter, glass hesch chöne heineh und bier isch gratis gsi,haha!
do sinteressante a roboter wohl isch,dass sie sich beweget,darum gits no es filmli mit allem obe erwähnte.übrigends,die schiene,wo so schnell hin und her gaht isch zwar nid sehr spektakulär,aber dgschwindigkeit!!!!100m/s das sind 360km/h!!!!!und das no x-mol hin und her!
aber lueget selber:
