Summer im Süüüde

Hey hallo allersiits

es ghört sich nid imene tagebuech, au wenn nur online tagebuech nid de reihe nah zgah, also hol ich de afang mol no nah. um die ganz sach ziitlich verständlich zgstalte; mir befindet üs vor de summerferie, zürcher summerferie :) vale het no gschaffet im spital und ich han mol no 2 tag frei gno,offiziell für usgrueht zsi für dhireis mitem vater, vale und ale noch süditalie. inoffiziell um a mim auto zbastle und in usgang zgah,hehe. mini muetter und die chline 2 sind scho 10 tag früehner loszoge, aber mit flüger. noch 17h fahrt, wo ich fast 2/3 gmacht han, simmer denn acho im süüde:D ich han jo scho paar mol vo üsem boot verzellt. do e kostprob vo dem ding:


2 master segel yacht mit allem drum und drah sinds 17m längi.

de koloss het es gwicht vo 25 tonne,will de rumpf( buch vom boot) us beton isch!da isch kein scherz,isch vor 40 jahr mol de hit gsi........

do im hafe mitem schluchboot, wo als parkhilf dient. mit 25t hesch du gnüegend wucht um de steg und boot nebedra i trümmer zerlege. dezue chunt no,dass das ding nid grad rückwärts fahrt.also jedes mol alege es riese theater. de vater hets laaaaangsam im griff mit parkiere,aber immmer no schier unmöglich.....

ohni de sunnesegel chönt me am morge chum usschlofe,will dsunne die ganz sach sofort ufheizt.

all paar johr muen mes usem wasser hebe und neu lackiere, au alge und muschle entferne:)

do de grösseverglich mit minere muetter, sie zwar nur 1,57m aber sboot glich 4-4.5m hoch. a all die wo bonze schreiet; mir hend da ding i miserablem zuestand kauft in griecheland. me hets dört einigermasse zrecht gmacht, aber noch johrelangem ärger mit de grieche simmer denn mit dem ding, also mit vater und en skipper kolleg noch italie gflüchtet. 3 johr het nimmert me vo de familie me was vo dem "schrott" wele wüsse. mini muetter het denn durepauket, dass mes wieder söll go aluege und denn hets de vater denn wieder packt und me het es jahr jedi ferie dure restauriert!!!und noch dem mir no 2 johr im hafe vo kalabrie igsandet gstecket sind, also dhafeusfahrt isch mangels geld mit sand überhüüft gsi......sind de rest vo de familie mit delphin, wahlfisch und seeeehr viel übelkeit (starke wellegang) übere golf vo taranto gsegelt. ich bi mitem auto nah und han de ganz tag uf de andere siite gwartet.sie sind denn völllig wo anders, völlig kaput acho...haha. es halbs johr spöter hends denn gallipoli erreicht. wer nid weiss wo das isch:


in apulie am absatz vo italie. de hafe isch zwar tüür,aber voll de hammer. sehr turistisch,also italienisch turistisch, kei dütschi und chum schwiizer. viel discos ide nöchi. und sboot isch mittlerwiile imene akzeptable zuestand.

wie sichs ghört isch do no e füehrig durchs boot. also mir befindet üs ganz hinde bim stüürrad. das cockpit.

me kehrt sich 180° und denn gseht me de igang vom schiff. alles hoch falls me mol e welle verwütscht:) nid grad sboot fluetet.

serste isch stube mit tisch und chuchi

am tisch hend locker 7 lüüt platz, so chli camper style:) wenn me wür wele, chönnt me de tisch abeklappe und hett au nomol 2 bett, also platz für 10 pers.

da isch kuchi mit herd und ofe und brünneli. de deckel rechts isch de chüelschrank. anstatt e türe hesch en deckel und leisch alles ine loch. so flüchtet die chalt luft nid,die sinkt jo. links vom brünneli gaht de gang hintere zu de schloofrüüm.

da isch de gang, nid allzu breit und türe zu wc und schloofzimmer.

eltere zimmer mit doppelbett,chöntsch au uf 2 separti bett umrüste. unter de bett sind hunderti vo verstaumöglichkeite. au alli immer volle,hehe.normal!

die türe gegnüber ischs wc. au mit brünnerli. natürlich chasch au dusche indem de hahne useziehsch.het en verlängerigschluch untedrah und am bode en rost mitem ablauf.

brucht glaub kei erklärig.

mis zimmer mitem ale zäme. doppelbett und au unterem untere bett hesch wieder dini verstaumöglichkeite.

zimmer vo de 2 schwöstere...ungewöhnlich ufgrumet,hehe, au ähnlich wie üses, eifach no so gschmäus wie spiegel und ablage für so chliners züügs.
im spitz wär denn no de chli brüeder,aber will dört all segel dinne sind, hani mol ufs foto verzichtet.

das bild bi de hafe muur no chli italienische scharm. übersetzt so viel wie, ich lieb dich schweinli,haha.

sboot isch vorne mit seil befestigt und die sind voll miesmuschle. do die die gliche sind wie me bi üs tiefgfrohre chan chaufe, hemmer die gholt,....

gwäsche und zu herrliche spaghetti fritiert!die wo so sache gern hend, eifach herrlich:D

in gallipoli hets dure summer eis fest nochem andere, eis isch s. cristina gsi. mit füüürwerk ,sogar 2 mole und riese markt die ganz nacht.

ständ mit spanferkel, zum gröle dekoriert,haha. de rest hends denn zu brötli verarbeitet und anstatt döner verkauft.

üsi hammer vespa, 50ccm und isch öbbe en 60er gloffe. super um nebe de autos duredrucke und hoffe dass mes überläbt. aber au bi dene viele tote uf roller in italie,nemet autos doch no rücksicht uf dich als rollerfahrer und es hupe nid mol wer, wenn eim de weg abschniedsch,haha.

leider laht sich da ding nid ide schwiiz ilöse, wege abgasnorme,haha, me gsehts glaub au. versicherig wär zumindest en drittel so tüür!

das grosse high light denn!!!fregge tricolore!!jet kunstflüger vo italie,absoluti lebesmüedi type,aber geniale ablick gsi.

herz ide luft und unte wieder die 3 farbe.

und das ganz hesch chöne vom strand gugge und dezue bade. eifach super, parade überem meer.

üsen lieblings faro, also faro heisst lüchtturm und das gaht so genial für, gömmer an faro und nochher faro mer id disco und so sprüch:)hend au dört immer die iheimische troffe.

und noch astrengendem usgang usruhe, natürli am strand und sogar no brun werde bim nütmache,hehe.

mit ihm hemmer am meiste kontakt gha, de emanuele,oder semplicemente ema. sind halt chli chliner dört unte,hehe,aber au nid all.het immers dico taxi gspielt, gfahre wie en wilde,aber kontrolliert, hesch nie schiss gha im auto.

quartiere latino, das lokal dört unte, freihimmel disco mit suuper sound.3 mol nochenand simmer dört ane.

party pic>>west side

eim abig hets denn am morge am 5i no is meer müese.nachtbade,hehe,aber ich han kniffe und bi denn hei zue. links wär altstadt und rechts smeer.

tag druf hemmer denn grossi usfahrt gmacht,an südlichste punkt vom absatz. a herrliche grotte verbii. wär was zum tauche gsi für dich rebi.

denn sind denn die ferie au scho fertig gsi und ich und de ale hend die weltreis id schwiiz aträtte mitem 2. weltkriegzüügli losgfahre. da isch wie en bus uf schiene gsi, no handgschalte:)

in bari mitem büssli an flughafe.....

ichecke,was uf dem chline,aber top moderne flughafe kei problem isch gsi....

und ab in billigflüüger richtig stuttgart.

und do simer acho, welcome glichfalls.

denn no de hechtsprung in zuug und mol dureschloofe noch sh, wo ich am ziitpunkt vom vorherige itrag bi:)

das wärs au mole fürs erste,hehe

schöni wuche no und bis zum week end:D

Sturmfrei Summer 07!

Ciao a tutti!!

au ich melde mich wieder zrugg vo de ferie und was für ferie=)!eigentlich gaht me de reihe nah, aber ich bevorzuge mol de spannendi teil zerst, han ebe au dfotene grad parat. mir schriibet de 2 august, als mir noch 14h reis andlilch in schaffuse achömet. bis zum nöchste bus isches no e stund gsi drum simmer mol schnell mit allem gepäck is tabaco, um dört ziet umezschlah. wie us heiterem himmel sind denn plötzlich au rebi und ann herbeigerannt cho und ich han so mis taxi gha.

tag druf schön gnosse und uf de terasse fernseh gugget, so sendige über flüügepilz als droge und so züügs,haha

am abig isch denn höhleparty agseit gsi im kessler loch in thaynge. zerst e art apero bi de meli und denn mit sebi, rebi, ramon und de meli richtig höhle party. a dem punkt unterbrich ich mol lieber....die wos wüsset, wüssets und de rescht lahn ich im glaube es sig eifach nix passiert=)

ufem heiweg prompt wieder mol de glich taxifahrer wie immer verwütscht,zuefall und super rabatt.

samstig isch de zindel zu üs gstosse mit de paloma und mir sind no in teich go bade,also üsen teich.

am abig isch denn rieseparty gsi bide mirj und de debo. debo isch vo frankriech zrugg cho und dmirj isch am mäntig abgreist is welsche, als super nanny. schätzigswiis 30 lüüt hend sich umetummelt. mitem nicolas über katalisatorrevolution diskutiert, ale het fraue friesure dütet (pony gstuft oder nid), linda het verrate was GF eigentlich no produziert, pille het übers löhninger nachtlebe gschwärmt(locations und shuttle bus) und dass de arm zabo (hund vo de rebi) kei hundehüttli het.me het sich prächtig amüsiert, gratulation am organisationskomitee=)

sunntig isch eigentlich nid viel passiert, garette vo de rebecca(muetter vode debo&mirj) repariert, mitem jery autokulture besproche und abgholt was me liege het lah.

mir hend die wuche umbeding no was bastle wele, hend aber nid de passend motor gha. also han ich am mäntig am silvio (min onkel) telefoniert und mir hend sind alte 125er chopper chöne ha.

mit eim gemurks het da ding denn i sin chline ahänger passt und mitem ML isches denn uf beringe.hesch sogar chöne klimatemperatur für hinte istelle!!!

das wär da prachtstück!moosgrüen und no funktionsuntüchtig.

nachem entferne vo de vorderbrems und uswechsle vo de hauptsicherig ischer wieder gloffe!

an ziestig ersti positionierigsversüech im rame vom ale, alles chrumm und nünt passt!

carport wird zur werkstatt und de töff isch nur no es gerippe. natürlich rege!!

szenewechsel: am ziestig het de päde, alias röhrimaa de 20. gfiiret!!!die wonen nid kennet, er isch min mitstift und gaht au mit mir id bms. uf jede fall het sich familie rohrer mächtig is züüg gleit! champus mit apero und nochher gross znacht im restaurant mit mistchrazerli und zum dessert en colonel!nochem film het me sich denn am nöchste morge bime grosse zmorge begrüesst. nomol aller beste dank de ganze family!!

mir hend scho mittwuch und gill&film-abig isch agseit!!!rebi und debo sind agrückt und me het de grill gheizt. pille isch chli spöter mit em liechewage merz cho und het üsen senf vergötteret=)noch pasta,wurst und salat het me sich de film bzw. 2 film inezoge.schier no vergässe: de zünd isch im verlauf vom tag no uftaucht, het aber nachem 2. film schlapp gmacht, isch igschloofe und gnadelos terrorisiert worde, so wie au de sebi. nie lüüt provoziere, weme chüzelig isch,mein tipp!!!!!am 3.30 isch denn debo & rebi hei und ich han no mini englishkünst mitere brasilianische kollegin vom sebi probiert. nid würkli mit erfolg...

am tag druf isches am 11i wiitergange mit üsem projekt. zünd het mit apackt!

kurt-roller het sin erste dienst erwiese, mit de spende vom vorderrad!

mit üsserst kompliziertem spannsystem ischs rad ibauet worde. professionell gwürget und gmurkst!

zünd het üs um die 7i verlah, kälti hetten heftig verwütscht. nochdem srad montiert isch gsi, hemmer zum endspurt agleit und all hend umbedingt no e probefahrt wele!!

am 9i isches denn so wiit gsi, alles provisorisch zämebastlet, mit viel isolierband und no kei bremse, isches zur testfahrt cho. wege de lange gable langets nid zum ufem chiswägli zwende und nochere ziit hesch de chrampf gha will no niergends dfüess hesch chöne anetue, aber voll de fun!!!abgange wie nüt!!!!volle erfolg.

ersti testfahrt isch zend gange,usnahmswiis ohni totalschade!!halbi 10i hemmer denn ufghört, duschet und sind in usgang!üsen erfolg fiire. gummibär en masse!

ale het vor de türe vom postomat "sesam öffne dich" - nummere bote, türe isch nid ufgange!sehr amüsant dine vorem bildschirm, haha. nocher direkt wiiter is orient.

wenig spöter simmer de vanessa, simon und de melissa (l.) übere weg gloffe.

vani und fründ simon, irgendwie nid so das glungene foto,haha

noch de erfolgrieche probefahrt isch etzt de motor endlich entmoosed worde und es sind so high light, wie sattel und fuessraster dezuecho. und nid zvergesse,sogar e brems!!zwar unnötig aber zum teil praktisch,hehe.

motor sogar teilwiis wieder glänzig.....isch übrirgends en 2 zylinder 125er, tönt darum sogar no harleymässig.

was wär sturmfrei gsi, wemmer nid einisch richtg hettet chöne zsau uselah ufem SIG parkplatz. ale de poser presentiert das werk, am outfit mangelts no,aber de rest passt!

siegestrupp stolz vorem werk!

friitig abig het üs drebi und ihri schwöö endlich skrüzworträtsel vo de chiara(mini chlinst schwöö) chöne löse,wo scho mit panik in italie nid het gwüsst was sie am erste sek-schueltag het söle debi ha, beste dank de heldinne,haha. bald wiiter is tabaco. grossversammlig mit pille,fäbs,reto etc. all mit fründin.es het sich denn no usegstellt,dass corinne(fründin vom reto) promt d ex vom claudio,mim mitarbeiter in klote isch, dwelt isch echt es dorf=)han en bsuech ide bmw filiale in dielsdorf versproche und bi au verbii:D leider isch de reto so dermasse am umespurte gsi, dass ich denn lieber wieder de weg frei gmacht han.sebi isch früehner hei um sini eltere am tag druf am flughafe go abhole.

samstig isch halt nur no ufgrumet worde und zwar chräftig! staubsuge, abfall entorge und de vorplatz vom öl befreie, vo de bastelaktion.

zruggbliibe isch nur de verscharreti platz vom töff=).

samstig bi ich denn no als einzige vo üs in usgang. sebi isch hei und de ale bide alex gsi. vincent trupp isch vode ferie und roadtrip zrugg gsi und het all mögliche räubergschichte chöne verzele. damaris vo de nachtüebig troffe, sie het üs scho für nöchst johr buechet und mari,ratschg und co hend ihren raggeapartyentzug chöne kompensiere.und ganz bsunders: kädl noch 2 johr wiedermol gseh. sie isch 10 monet in afrika gsi!!!respect he!!!!!

so isch au die sturmfreisession zend gange und deltere sind am sunntig zfriede gsi mitem huus.

so verabschiede ich mich und mach füürabig,tschöööö all zäme.

lg stefano