Eidg. Turnfest Frauenfeld

hey ihr all zäme!!!

au die wuche isch zumene end cho und ich han sweek end
chöne mit vollem gnuss in agriff neh!! wie immer todmüed am frtigabig dihei vorem pc am döse, stürmt de brüeder is zimmer..ich söll sofort cho go fötele....naja, ratet mol was gsi isch???er het promt die ganz hauptstrass ignebelt, will er sis neu konstruierte pocket bike mit turbine het laufe lah!!!!




das ischs poket bike. normalerwiis hend die dinger en trimmermotor vomene gartegrät dinne, het er au gha, aber etzt halt nümme. vor luuter gekabel und geschlüche kaum sichtbar wär turbo turbine (imene früehere blogbricht au dinne). doch es brucht no einiges bis da ding denn au fahrt!

wie dem auch sei. wieder zrugg am pc im msn mit de rebi. sie halbe chrank dihei am trüebsal blose und ich wo immer wieder mol idöset bi,hehe. um dere himmel trurige situation abhilfzverschaffe, isch schnell mol en freie fernseh usfindig gmacht worde, popkorn und getränk ipackt und dvd gugge agseit gsi=) grosses amusement mit "kiss kiss, bang bang" und irgendwelcher sketch serie bis am 2.

so hemmer au scho samstig. im garte isch betoniert worde und me isch es stuck wiiter cho. sebi und merk sind itroffe, vito glade mit schloofsäck und notfutter. rebi und meli hole und ab noch frauefeld!!!eidgenössisches turnfest isch agseit gsi!!mit üsem persönliche gastgeber pille, hemmer de vorderstig parkplatz gha!



kaum angekomme isches i feuchtfröhlicher stimmung wiiter und für mich als fahrer los gange. pilote rebi!




wohl kamerapanik!!!swisse chäpli isch am pille sin liebling, er heg alles dra gsetzt um sich sones ding zergattere.




es riese fetsgländ mit unmenge a lüüt und viele bare. und ide mitti en riese party tower!!!2 stöck (au wenn gwüsi lüüt vo 3 stöck hend gredt) mit terrasse!! sogar min lehrmeister hemmer gseh und de het au vo dem ding gschwärmt.!!

master doppelpack!!!!er isch tatsächlich cho, noch dem er 10min vor üsere abfahrt telefoniert het. rechts sin brüeder beni. wer de zünd (alias master chief zünd) nid kennt,da isch min mitstift vode sr, en richtige flügermech!!

wieder partytempel

vorussse riese brunne mit füürspeier!

noch langem telefoniere usfündig gmacht, ännchen, de rechti egge vom turm bim füür?!?bim 2-3. versuech hets denn klappet.

trio fantastico! hawai hemd sind übrigends TVler,meli wär eigentlich au debi, aber sie hets nüm gfunde.

leutnand chief pille persönlich und co.

reto het au nid dörfe fähle!

me isch sich sichtlich am amüsiere!

lieber no comment...

am morge am 4i isch denn fertig musig gsi und mitem morgeliecht isch es grosse trümmerfeld zum vorschien cho. obwohl scho sichtlich spaat am morge isch gsi, hend sich no massig lüüt umetummlet,sogar für ufs wc hetme no müese astah!!sebi hets astah für es spiessli ufgeh und mir sind richtig pille bar (tv dörflinge zelt).no paar bier und bekanntschafte gschlosse. irgendwenn vorem 5i isch denn de merk uftaucht!!endlich wieder, mir henden afangs abig verlohre und will de depp kei akku meh gha het bim natel, ischer erst wieder am morge uftaucht. er heg sich guet amüsiert, het mit fraue tanzt und nid wele ziit mit sueche verlüüre. naja merk!!!

schweren herzens hemmer üs denn am 5i vom partyzelt verabschiedet, au vom claudio (tv ramse und schlossferie ). sind die 200m zum auto gwanderet und hend de schloof aträtte. natürlich erst noch de inahm vode notnahrig (partygebäck) und nochdem de merk und de sebi fertig bubbelet hend gha......

als gwüssi lieche ischme denn ugstande, moi,will de merk am morge am 8i scho wieder het müese wach si!!!nochher isches denn schnell heiss worde und mir sind wieder richtig pille bar zrugg. vorzelt sind scho all abgrisse gsi und verpackt! pille in mitten des geschehens ufere luftmatrazze am penne.

de luschtigschti teil isch wohl denn dheifahrt gsi. ich han nid chöne, oder nonig söle heifahre und so het das drebi übernoh. grosses auto chlini rebi = paar mol abwürge vom parkplatz ewäg und schier striit mit em verkehrskadett, wonere gseit het, sie müen sauto chehre, wills uf die ander siite lang gaht. doch de rest het sie wunderbar im griff gha!!! rebi etzt weisch wases heisst, wenn ich mitem vito chume!!haha. nochher no ad flurlinger badi de rest vom tag und nichts gleistet seehr früeh is bett.

mir hend etzt mäntig morge, ich bi noch 10h schloof immer no völlig k.o. das zeigt au, dass ich nid im tv bi!!!wünsch eu allne e schöni wuche und ich widme mich wider de arbet zue!

Swiss Tuning Show Expedition

Hey Hallihallölä

Swiss Tuning Show Expedition isch wieder mol es erlebnis gsi!!!!doch fangemer mol am friitig a, oder no besser am dunnstig morge. wiso dunnstig?ganz eifach hend 2-tagigi schuel exkursion gha,oder besser gseit; abschlussreis! do mir ide bruefsschuel noch de lap kei ziit meh hend,macht me das amig scho ends 3. lehrjohr. 9.15 am bahnhof in züri und denn isches ab noch interlaken, wo river raftig agseit isch gsi!

nocher id unterkunft in innertkirchen, 30 min vo interlaken. nochem znacht het de martin no fründschaft mit em dorfbsoffen hausi gschlosse und 2-3 am morge denn mole is bett. 8i tagwach und grimselkraftwerk go aluege, mit füehrig.

es het natürli müese regne dases tätscht!!!!gelmertbahn isch idrücklich gsi, es bähnli wo mit 105% stiegig en berg ufefahrt erlebtme nid all tag.leider hets tag vo dere bahn nid für all glanget, sich bi ich,flo und de michel voll durchnässt unte acho.

noch viel ärger mit öv bini denn endlich wieder i mim geliebte auto ghocket und heizue. gschenk organisiere für debo,hei go ipacke, dusche und wiiter ad party vode debo=)

7 wuche in frankriech,echt zum iversüchtig werde!!sebi und ale sind scho dört gsi und ich bi am 9i fangs zu mim znacht cho. defür chraftig bratwurst it hörnli salat und vanille/schoggicreme vode meli2,hehe. debo het fliessig packed und mir sind denn irgendwenn am 1 hei. eigentlich chönt me vo scho!!rede,aber hend am tag druf früeh use müese zum im garte no paar platt lege und betoniere. vollgas um am 3 chöne gah!!

punkt 4i simmer denn los und hend alex und sebi zämeglese, auto gwechselt (4er golf kombi) und sind denn direkt richtig genf. in schönbüehl de burgerking gstürmt und während de fahrt gesse. hend jo wele früeh dört si. genf 19.45: sind acho, parkiert und direkt id palexpo. uf de bühne hesch scho sgequitsche vode reife vo de driftshow ghört,sebi isch bim astah schier dureht: will luege,will luege!!!de schluss hemmer denn grad no knapp miterlebt.es het en profi tuner bereich gha und viel platz für bastler.

en 1er golf caddy, völlig umbauet und mit aitbrush verziert, au tüürverkleidige.

im heck en riese display und verschiedensti konsole!aber au en ziemlich gschmackslosi bluetigi puppe.

rennflagge über die ganz hube,tach und heck

opel corsa im profi bereich. sehr ufwändig und schwierig doriginalmarke zerkenne. macht au kei sinn,will original isch eh nüt.

ein mini, wo uf 2 plätz kürzt isch,also nur halb so lang!!!!chliner gahts echt nüm, wien en smart.

speichefelge,mit x fache speiche,schön chromig,halleluja zum wäsche!!

innne doch seeeehr gschmacklos,bordell blüsch üeberall

chrysler in siedeglanz,also matt!genial gmacht,aber kaum waschbar oder polierbar. het defür en ahänger miteme jetski hitedra gha, im gliche look!

krasse uspuff,wär doch was für min lancia!!!

de reto kennten sicher no. das isch mol en fiat panda gsi. völlig ufgmotzt und verchromt!!irgendwie schad fürs geld bi soneme auto!

heckasicht mit riese upuff!!

vincent volvo mit disco belüchtig und sirene usgrüstet,en schreck für jedes strosseverkehrsamt!!!

militär peugeot!!het sich eine riesig müeh geh bim alckiere,all die flecke!!

nanana?weli marke?playboy auto????nene gits nid,aber netti idee.

ufgmotze peugeot het da zeiche gha, de rest isch nid so erwähnenswert, aber da zeiche isch originell!

citroen saxo,a u mole gsi, bekanntlich,hend die wenigste autos flügeltüüre...de scho!!

sgliche modell eifach älter, defür ufwändiger usgrüstet mit bildschirm,bass,kondenser etc.

eine sache des geldes, seehr tüüre gspass!!

do no vo vorne.

de ganz drift trupp! do hends ihri pneu zu de gröt driftet.

etzt no zu de helde vom abig, us italile en drift meister, het öbbe sträkschte auti gha, mit v 12er motor und en extra hebel,zum nur vorne zbremse!!

und en platte reife vom luuter drifte, de hetsem während de show vertätscht,absichtlich. wenn bi eune autos pneu so usgsehnd, seget em halter er sölls go wechsle oder wechselts selber,aber eifach dringend!!!!!

wenn ihr etzt meinet das sig alles gsi,denn hender eu tosche,denn mir sind öbbe am 0.00 weg in genf und ich han am mättu(schuelkolleg us solothurn telefoniert!" es loufe grad die gröuschte zwöi aläss in rüttenä(ober solothurn)!!!!"hetter gmeint,simmer aso 1,5h spöter in solothurn gsi go fiere,also das heisst zerst hends üs nid wele inelah,wills vole isch gsi,aber denn hemmer chöne bewiese,dassmer us schaffuse sind gsi und mit grosser freud über die wiit greiste gäst, simmer denn gratis inecho,hehe.

und so hemmer de mättu und sin kompane de rainu (l.) no gfunde und voll abgfiiret,hammer fete gsi!

noch chräfitgem imbiss im mac in zuchwil,hemmer üs vo de solothurner, mättu (r.) und rainu verabschiedet uns sind die 2h no heigfahre. 6i dihei = sunne scho dobe, schnell go penne.

ich seg nur, bis bald wieder mol und verabschiede mich, back to work!!!!

lg stefano

Poetry Slam

Salüü salut mitenand


noch langer Pause folgt wieder mol en itrag, eigentlich hincki scho ziemlich hintedri, aber lieber spät als nie!!=)e wucher her am sa, das isch wiederum e wuche nochem geniale grillabig bim pille mit tira mis su! denn isch poetry slam gsi. ide bms het üs dlehrerin im dütsch poetry slam vorgschlage,doch mir hend zuegseit,obwohl mir absolut kein plan hend gha,wa da isch. ich, der rocher und michl hend üs entschlosse dem ufe grund zgah und sind a de alass! Fazit: eifach hammer gsi, würed sofort wieder gah=). doch eis nochem angere,gäng wie gäng.

schöne schaffuser abig, wege dere unghüre hitz dinne,het me dusse no ufe begin vo dere sach gwartet. bändeli natürli scho kauft

gabriel vetter het die sach mol igleitet (en abermals gwünner vo poetry slam), mit viel witz und show ischmer mol igleitet worde wa das eigentlich isch, poetry slam.

jede vo denen 9 kandidate het sis gedicht, oder text vortreit und vonere jury punkt becho.

im final sind denn no 4 gstande und dur klatsche hetmer de gwünner festgleit, de isch denn stolz miteme laptop hei=)

sind sehr wizigi text vortreit worde, über bünzli,riechi gsellschafte, patriotismus und schuel. im final sind denn aber eher all gsellschaftkritisch bliibe oder hend liebesgschichte vortreit.

für eu nos video mit zämeschnitt vom abig,sehr empfelenswert, viel spass:

jep de rocher isch no ade real rock party bliibe und erst am 3 hei, trotz em familiefest am tag druf. schaffuse lohnt sich halt!

allne no schöne abig und ich meld mich bald mit de swiss tuning show expedition zrugg=)

lg stefano